wafa-shiar koi ham-safar mile to sahi

vafā-shi.ār koī ham-safar mile to sahī

mujhe gurez nahīñ mo'atabar mile to sahī

tujhe bhī apnā banā lete ek hī pal meñ

tirī nazar se hamārī nazar mile to sahī

use maiñ apnā kaleja nikāl kar de duuñ

ye shart hai ki koī dīda-var mile to sahī

koī darīchoñ se jhāñke to duuñ sadā us ko

bahut talāsh kiyā terā ghar mile to sahī

tumheñ batā.eñge hālāt-e-hāzira kā mizāj

kahīñ se koī bhī achchhī ḳhabar mile to sahī

use gale se lagā.eñge ham 'ziyā-zaḳhmī'

koī hamārī tarah chashm-e-tar mile to sahī

wafa-shiar koi ham-safar mile to sahi

mujhe gurez nahin mo'atabar mile to sahi

tujhe bhi apna bana lete ek hi pal mein

teri nazar se hamari nazar mile to sahi

use main apna kaleja nikal kar de dun

ye shart hai ki koi dida-war mile to sahi

koi darichon se jhanke to dun sada us ko

bahut talash kiya tera ghar mile to sahi

tumhein bataenge haalat-e-hazira ka mizaj

kahin se koi bhi achchhi KHabar mile to sahi

use gale se lagaenge hum 'ziya-zaKHmi'

koi hamari tarah chashm-e-tar mile to sahi