wafa-shiar nazaron ki baat karte hain

vafā-shi.ār nazāroñ kī baat karte haiñ

ḳhizāñ meñ rah ke bahāroñ kī baat karte haiñ

na āsroñ na sahāroñ kī baat karte haiñ

naqīb-e-vaqt vaqāroñ kī baat karte haiñ

nizām-e-arsh pe jin ko yaqīñ nahīñ vo bhī

zamīñ ye chāñd sitāroñ kī baat karte haiñ

ye tund-o-tez havā.eñ ye zor tūfāñ kā

bhañvar ke biich kināroñ kī baat karte haiñ

jinhoñ ne dekhā jalāl-o-jamāl kā manzar

vo dil-navāz nazāroñ kī baat karte haiñ

sukūn jin ko mayassar nahīñ zamāne meñ

vo be-qarār qarāroñ kī baat karte haiñ

havas-parast zamāne meñ aap ai 'ḳhālid'

ḳhudā ke shukr-guzāroñ kī baat karte haiñ

wafa-shiar nazaron ki baat karte hain

KHizan mein rah ke bahaaron ki baat karte hain

na aasron na sahaaron ki baat karte hain

naqib-e-waqt waqaron ki baat karte hain

nizam-e-arsh pe jin ko yaqin nahin wo bhi

zamin ye chand sitaron ki baat karte hain

ye tund-o-tez hawaen ye zor tufan ka

bhanwar ke bich kinaron ki baat karte hain

jinhon ne dekha jalal-o-jamal ka manzar

wo dil-nawaz nazaron ki baat karte hain

sukun jin ko mayassar nahin zamane mein

wo be-qarar qararon ki baat karte hain

hawas-parast zamane mein aap ai 'KHalid'

KHuda ke shukr-guzaron ki baat karte hain