wafa-shiaron ne ki hain mohabbaten kya kya

vafā-shi.āroñ ne kī haiñ mohabbateñ kyā kyā

haiñ un ke naam se yaaro rivāyateñ kyā kyā

ham ahl-e-dard jalāte rahe saroñ ke charāġh

haiñ shahr-e-shab meñ hamārī hikāyateñ kyā kyā

ye iztirāb ye naale ye sozish-e-paiham

haiñ un kī dekhiye ham par ināyateñ kyā kyā

suno ki aaj bhī haiñ zehn ke ajantā meñ

mire 'nadīm' munaqqash vo sūrateñ kyā kyā

tujhe bahār kahūñ gul kahūñ ki chāñd kahūñ

haiñ tere husn meñ pyāre shabāhateñ kyā kyā

na chheḌ biite zamāne ke saaz ai mutrib

haiñ us kī yaad se vābasta sohbateñ kyā kiyā

ba-nām-e-sabza-ḳhatāñ mahvishāñ ḳhutūt-o-payām

mire ḳhilāf vo laa.e shahādateñ kyā kyā

wafa-shiaron ne ki hain mohabbaten kya kya

hain un ke nam se yaro riwayaten kya kya

hum ahl-e-dard jalate rahe saron ke charagh

hain shahr-e-shab mein hamari hikayaten kya kya

ye iztirab ye nale ye sozish-e-paiham

hain un ki dekhiye hum par inayaten kya kya

suno ki aaj bhi hain zehn ke ajanta mein

mere 'nadim' munaqqash wo suraten kya kya

tujhe bahaar kahun gul kahun ki chand kahun

hain tere husn mein pyare shabahaten kya kya

na chheD bite zamane ke saz ai mutrib

hain us ki yaad se wabasta sohbaten kya kiya

ba-nam-e-sabza-KHatan mahwishan KHutut-o-payam

mere KHilaf wo lae shahadaten kya kya