wafur-e-rahmat-e-parwardigar hota tha

vafūr-e-rahmat-e-parvardigār hotā thā

ki sab kā pahlā aqīda hī pyaar hotā thā

daraḳht jhūmte rahte du'ā ke dhāgoñ se

galī galī koī mannat-guzār hotā thā

matab hakīm davā.ī na kārgar hotī

kisī kī yaad meñ aisā buḳhār hotā thā

bas ek vā'de pe ‘umreñ guzār dī jātīñ

bichhaḌne vāloñ pe yuuñ e'tibār hotā thā

na jhūTe ḳhvāb dikhāte the ek duuje ko

na haath chhoḌ ke koī farār hotā thā

jo maañ hai pahle sahelī thī apnī beTī kī

to baap beTe kā tab pahre-dār hotā thā

wafur-e-rahmat-e-parwardigar hota tha

ki sab ka pahla aqida hi pyar hota tha

daraKHt jhumte rahte du'a ke dhagon se

gali gali koi mannat-guzar hota tha

matab hakim dawai na kargar hoti

kisi ki yaad mein aisa buKHar hota tha

bas ek wa'de pe ‘umren guzar di jatin

bichhaDne walon pe yun e'tibar hota tha

na jhuTe KHwab dikhate the ek duje ko

na hath chhoD ke koi farar hota tha

jo man hai pahle saheli thi apni beTi ki

to bap beTe ka tab pahre-dar hota tha