wafur-e-sharm se main mar raha tha

vafūr-e-sharm se maiñ mar rahā thā

ḳhud apnā tajziya jab kar rahā thā

jo mere pyaar kā dam bhar rahā thā

mire hālāt se vo Dar rahā thā

ḳhud apnī zaat ko dhoke diye the

gumāñ ye hai mohabbat kar rahā thā

use manzil kī hasrat khā ga.ī hai

vo jis ke saath ik rahbar rahā thā

ḳhudā jaane maiñ kyoñ kar bach gayā huuñ

vo mujh par vaar paiham kar rahā thā

laboñ par kheltī thī muskurāhaT

junūn-e-shauq aaheñ bhar rahā thā

ḳhirad vaale mujhe apnā rahe the

agarche maiñ junūñ-parvar rahā thā

wafur-e-sharm se main mar raha tha

KHud apna tajziya jab kar raha tha

jo mere pyar ka dam bhar raha tha

mere haalat se wo Dar raha tha

KHud apni zat ko dhoke diye the

guman ye hai mohabbat kar raha tha

use manzil ki hasrat kha gai hai

wo jis ke sath ek rahbar raha tha

KHuda jaane main kyon kar bach gaya hun

wo mujh par war paiham kar raha tha

labon par khelti thi muskurahaT

junun-e-shauq aahen bhar raha tha

KHirad wale mujhe apna rahe the

agarche main junun-parwar raha tha