wahan bhi zahr-zaban kaam kar gaya hoga
vahāñ bhī zahr-zabāñ kaam kar gayā hogā
ki aadmī thā vo bātoñ se Dar gayā hogā
thī maiñ bhī us pe hañsī mil ke is jahāñ ke saath
ye sun ke sharm se shāyad vo mar gayā hogā
hazār baar sunā phir bhī dil nahīñ maanā
ki mere pyaar se dil us kā bhar gayā hogā
na.e makīn haiñ ab vaañ use ḳhabar kab thī
baḌe ḳhulūs se vo mere ghar gayā hogā
koī darīcha khulā rah gayā thā āñdhī meñ
mirā vajūd yaqīnan bikhar gayā hogā
vo jāntā to hai mahfil ke bhī sabhī ādāb
jo dekh kar nahīñ uTThā to Dar gayā hogā
na ho jo sat.h pe halchal to is se ye na samajh
chaḌhā huā thā jo dariyā utar gayā hogā
wahan bhi zahr-zaban kaam kar gaya hoga
ki aadmi tha wo baaton se Dar gaya hoga
thi main bhi us pe hansi mil ke is jahan ke sath
ye sun ke sharm se shayad wo mar gaya hoga
hazar bar suna phir bhi dil nahin mana
ki mere pyar se dil us ka bhar gaya hoga
nae makin hain ab wan use KHabar kab thi
baDe KHulus se wo mere ghar gaya hoga
koi daricha khula rah gaya tha aandhi mein
mera wajud yaqinan bikhar gaya hoga
wo jaanta to hai mahfil ke bhi sabhi aadab
jo dekh kar nahin uTTha to Dar gaya hoga
na ho jo sath pe halchal to is se ye na samajh
chaDha hua tha jo dariya utar gaya hoga
- Book : Shab Zaad (Pg. 125)
- Author : Shabnam Shakeel
- Publication : Mavaraa Publications (1978)
- Edition : 1978
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
