wahan pahunch ke har ek naqsh-e-gham paraya tha
vahāñ pahuñch ke har ik naqsh-e-ġham parāyā thā
vo rāsta ki jahāñ hausla bhī haarā thā
bahut aziiz the us ko safar ke hañgāme
vo sab ke saath chalā thā magar akelā thā
vo zaḳhm zaḳhm thā tīra-shabī ke dāman meñ
laboñ pe phuul nazar meñ kiran bhī rakhtā thā
ajiib shaḳhs thā us ko samajhnā mushkil hai
kinār-e-āb khaḌā thā magar vo pyāsā thā
use ḳhabar thī ki āshob-e-āgahī kyā hai
vo dard-o-ġham jise apnī zabāñ meñ kahtā thā
wahan pahunch ke har ek naqsh-e-gham paraya tha
wo rasta ki jahan hausla bhi haara tha
bahut aziz the us ko safar ke hangame
wo sab ke sath chala tha magar akela tha
wo zaKHm zaKHm tha tira-shabi ke daman mein
labon pe phul nazar mein kiran bhi rakhta tha
ajib shaKHs tha us ko samajhna mushkil hai
kinar-e-ab khaDa tha magar wo pyasa tha
use KHabar thi ki aashob-e-agahi kya hai
wo dard-o-gham jise apni zaban mein kahta tha
- Book : Gil-e-Lajvard (Pg. 108)
- Author : Khaleel Tanveer
- Publication : Al-asr Publications, Ahmedabad (2005)
- Edition : 2005
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
