wahi din hai KHauf-o-hiras ka wahi haal abhi bhi hai pyas ka

vahī din hai ḳhauf-o-hirās kā vahī haal abhī bhī hai pyaas kā

vahī shaam bistar-e-marg sī vahī silsila shab-e-yās kā

vahī ās.māñ hai vahī fazā vahī nashsha shaam pe hai bapā

vahī duur shahr se hai jagah vahī sabz farsh hai ghaas kā

na rahe bashīr-o-nazīr ham na rahe fahīm-o-basīr ham

na dikhā.ī detā hai duur kā na nazar hī aatā hai paas kā

tujhe chāhiye jo koī ḳhabar mirī kāvishoñ meñ talāsh kar

mirā e'tibār hai aql par maiñ asiir kab huuñ qayās kā

jo ġhinā ke suut se ho banā jo razā kī suuī se ho silā

jo rañgā ho shukr ke rañg se mujhe shauq aise libās kā

wahi din hai KHauf-o-hiras ka wahi haal abhi bhi hai pyas ka

wahi sham bistar-e-marg si wahi silsila shab-e-yas ka

wahi aasman hai wahi faza wahi nashsha sham pe hai bapa

wahi dur shahr se hai jagah wahi sabz farsh hai ghas ka

na rahe bashir-o-nazir hum na rahe fahim-o-basir hum

na dikhai deta hai dur ka na nazar hi aata hai pas ka

tujhe chahiye jo koi KHabar meri kawishon mein talash kar

mera e'tibar hai aql par main asir kab hun qayas ka

jo ghina ke sut se ho bana jo raza ki sui se ho sila

jo ranga ho shukr ke rang se mujhe shauq aise libas ka