wahi harf hain wahi zarf hain wahi roz-o-shab hain sarab se

vahī harf haiñ vahī zarf haiñ vahī roz-o-shab haiñ sarāb se

vo malāhatoñ kā ḳhumār sā vo mohabbatoñ ke sahāb se

na kisī kamān meñ tiir hai na gulāb haiñ kisī haath meñ

mire shahr ke sabhī log haiñ kisī ajnabī sī kitāb se

tire ba.ad bhī vahī Dhañg haiñ vahī naḳhl-soḳhta rañg haiñ

vahī intizār-e-tuyūr hai vahī barg-e-sabz ke ḳhvāb se

jo kabhī ye bāb-e-alam khulā the har ek halqa-e-chashm meñ

pas-e-parda-e-ġham-e-dostāñ faqat apne apne azaab se

mirī dostī bhī ajiib thī vahī āshnā vahī ajnabī

kabhī phuul bā.is-e-zaḳhm thā kabhī sañg bhī the gulāb se

wahi harf hain wahi zarf hain wahi roz-o-shab hain sarab se

wo malahaton ka KHumar sa wo mohabbaton ke sahab se

na kisi kaman mein tir hai na gulab hain kisi hath mein

mere shahr ke sabhi log hain kisi ajnabi si kitab se

tere baad bhi wahi Dhang hain wahi naKHl-soKHta rang hain

wahi intizar-e-tuyur hai wahi barg-e-sabz ke KHwab se

jo kabhi ye bab-e-alam khula the har ek halqa-e-chashm mein

pas-e-parda-e-gham-e-dostan faqat apne apne azab se

meri dosti bhi ajib thi wahi aashna wahi ajnabi

kabhi phul bais-e-zaKHm tha kabhi sang bhi the gulab se