wahi madar-e-tamanna wahi sitara-e-dil

vahī madār-e-tamannā vahī sitāra-e-dil

fareb-ḳhurda-e-māzī-o-hāl-o-mustaqbil

tilism-ḳhāna-e-hasrat meñ gardisheñ kab tak

vo ism de ki ho āseb-e-justujū bātil

dil-e-kushāda meñ mere ho anjuman-ārā

adū ba-rañg-e-kudūrat jahāñ na ho dāḳhil

hazār sho.ala lapaktī hai aarzū ab bhī

mire lahū se charāġhāñ hai kūcha-e-qātil

rah-e-vafā ke musāfir kī bebasī mat pūchh

hameñ uThā.e hue chal rahī hai ḳhud manzil

ḳhushī kī baat bhī ab sogvār kartī hai

vo mehrbān bhī ab ho to is se kyā hāsil

zamīñ pe dil kī lahū ke daraḳht haiñ goyā

ye sher hote nahīñ āsmān se nāzil

wahi madar-e-tamanna wahi sitara-e-dil

fareb-KHurda-e-mazi-o-haal-o-mustaqbil

tilism-KHana-e-hasrat mein gardishen kab tak

wo ism de ki ho aaseb-e-justuju baatil

dil-e-kushada mein mere ho anjuman-ara

adu ba-rang-e-kudurat jahan na ho daKHil

hazar shoala lapakti hai aarzu ab bhi

mere lahu se charaghan hai kucha-e-qatil

rah-e-wafa ke musafir ki bebasi mat puchh

hamein uThae hue chal rahi hai KHud manzil

KHushi ki baat bhi ab sogwar karti hai

wo mehrban bhi ab ho to is se kya hasil

zamin pe dil ki lahu ke daraKHt hain goya

ye sher hote nahin aasman se nazil