wahi mohtasib ki malamaten wahi ek wazeh hasin meri

vahī mohtasib kī malāmateñ vahī ek vāzeh hasīñ mirī

vahī rang rang subū mirā vahī daaġh daaġh jabīñ mirī

tirā shahr shahr-e-ajīb hai yahāñ kaun hai jo ġharīb hai

koī kah rahā hai falak mirā koī kah rahā hai zamīñ mirī

mirī hasratoñ ke dayār meñ tirī justujū se bahār hai

tirā naqsh-e-pā hai jahāñ kahīñ hai jabīn-e-shauq vahīñ mirī

isī aa.ine meñ kiran kiran kisī hūr-vash kī tajalliyāñ

yahī dil hai jām-e-jahāñ-numā yahī dil hai ḳhuld-e-barīñ mirī

ka.ī āftāb ka.ī qamar mire soz-e-dil se haiñ nūr-gar

ki misāl-e-sham.a sulag rahī hai azal se jān-e-hazīñ mirī

mire āñsuoñ ne kahā na thā ki bichhaḌ ke phir na mileñge ham

tujhe yaad ho ki na yaad ho vo nigāh-e-bāz-pasīñ mirī

wahi mohtasib ki malamaten wahi ek wazeh hasin meri

wahi rang rang subu mera wahi dagh dagh jabin meri

tera shahr shahr-e-ajib hai yahan kaun hai jo gharib hai

koi kah raha hai falak mera koi kah raha hai zamin meri

meri hasraton ke dayar mein teri justuju se bahaar hai

tera naqsh-e-pa hai jahan kahin hai jabin-e-shauq wahin meri

isi aaine mein kiran kiran kisi hur-wash ki tajalliyan

yahi dil hai jam-e-jahan-numa yahi dil hai KHuld-e-barin meri

kai aaftab kai qamar mere soz-e-dil se hain nur-gar

ki misal-e-shama sulag rahi hai azal se jaan-e-hazin meri

mere aansuon ne kaha na tha ki bichhaD ke phir na milenge hum

tujhe yaad ho ki na yaad ho wo nigah-e-baz-pasin meri