wahi swad-e-haram hai wahi hain but-KHane

vahī svād-e-haram hai vahī haiñ but-ḳhāne

sunā.e jaate haiñ unvāñ badal ke afsāne

hañsī ḳhud apnī uḌā le rahe haiñ dīvāne

junūñ kī kaun sī manzil hai ye ḳhudā jaane

ma.āl-e-shauq se ahl-e-vafā ko kyā matlab

ba-jabr-e-ishq khiñche aa rahe haiñ parvāne

vo jāñ-sapārī-e-parvāna dilgudāzī-e-sham.a

haiñ shab ko talḳh haqā.eq sahar ko afsāne

ġhurūr-e-husn-e-nazar se mujhe girā na sakā

vafā kī kaun sī manzil hai ye ḳhudā jaane

jabīñ ke saath 'jamālī' kā dil bhī jhuktā hai

kashish sī husn-e-butāñ meñ hai kyā ḳhudā jaane

wahi swad-e-haram hai wahi hain but-KHane

sunae jate hain unwan badal ke afsane

hansi KHud apni uDa le rahe hain diwane

junun ki kaun si manzil hai ye KHuda jaane

maal-e-shauq se ahl-e-wafa ko kya matlab

ba-jabr-e-ishq khinche aa rahe hain parwane

wo jaan-sapari-e-parwana dilgudazi-e-shama

hain shab ko talKH haqaeq sahar ko afsane

ghurur-e-husn-e-nazar se mujhe gira na saka

wafa ki kaun si manzil hai ye KHuda jaane

jabin ke sath 'jamali' ka dil bhi jhukta hai

kashish si husn-e-butan mein hai kya KHuda jaane