وہی تو نے دیکھا کہ جو دل کہا تھا نہ ہو اس پہ شیدا کہ وہ بد بلا ہے

وہی تو نے دیکھا کہ جو دل کہا تھا نہ ہو اس پہ شیدا کہ وہ بد بلا ہے

گلا اب ہے بے جا کہ یہ ہو گیا کیا کیا تو نے جیسا وہی یہ سزا ہے

نہ وہ اب اشارے نہ وہ اب نظارے نہ وہ کہنا آ رے نہ وہ کہنا جا رے

گئے لطف سارے ہوئے یوں کنارے چلو خیر پیارے مرا اب خدا ہے

ہوا اس پہ مائل ہوا غم سے شاغل ہوئی سخت مشکل کیا تو نے کیا دل

نہیں ہے وہ غافل بنے گا وہ قاتل کرے گا وہ بسمل تری اب قضا ہے

یہ ہیں لطف بے ڈھب رہیں وہ جو ہر شب مرا آیا دل جب تو وہ ملتے ہیں کب

اجی مکر ہیں سب کہاں بوسۂ لب یہی جانیے اب کہ وہ بے وفا ہے

کہو کل رہو گے مرے گھر چلو گے کہا جو کرو گے مرا غم سنو گے

گلے سے ملو گے مجھے بوسے دو گے کوئی دم ہنسو گے کہ یہ سب دغا ہے