wahi tu ne dekha ki jo dil kaha tha na ho us pe shaida ki wo bad-bala hai

vahī tū ne dekhā ki jo dil kahā thā na ho us pe shaidā ki vo bad-balā hai

gilā ab hai bejā ki ye ho gayā kyā kiyā tū ne jaisā vahī ye sazā hai

na vo ab ishāre na vo ab nazāre na vo kahnā aa re na vo kahnā jā re

ga.e lutf saare hue yuuñ kināre chalo ḳhair pyāre mirā ab ḳhudā hai

huā is pe maa.il huā ġham se shāġhil huī saḳht mushkil kiyā tū ne kyā dil

nahīñ hai vo ġhāfil banegā vo qātil karegā vo bismil tirī ab qazā hai

ye haiñ lutf be-Dhab raheñ vo jo har shab mirā aayā dil jab to vo milte haiñ kab

ajī makr haiñ sab kahāñ bosa-e-lab yahī jāniye ab ki vo bevafā hai

kaho kal rahoge mire ghar chaloge kahā jo karoge mirā ġham sunoge

gale se miloge mujhe bose doge koī dam hañsoge ki ye sab daġhā hai

wahi tu ne dekha ki jo dil kaha tha na ho us pe shaida ki wo bad-bala hai

gila ab hai beja ki ye ho gaya kya kiya tu ne jaisa wahi ye saza hai

na wo ab ishaare na wo ab nazare na wo kahna aa re na wo kahna ja re

gae lutf sare hue yun kinare chalo KHair pyare mera ab KHuda hai

hua is pe mail hua gham se shaghil hui saKHt mushkil kiya tu ne kya dil

nahin hai wo ghafil banega wo qatil karega wo bismil teri ab qaza hai

ye hain lutf be-Dhab rahen wo jo har shab mera aaya dil jab to wo milte hain kab

aji makr hain sab kahan bosa-e-lab yahi jaaniye ab ki wo bewafa hai

kaho kal rahoge mere ghar chaloge kaha jo karoge mera gham sunoge

gale se miloge mujhe bose doge koi dam hansoge ki ye sab dagha hai