wahi zaKHm tha jo sila nahin teri aahaTon se gila nahin

vahī zaḳhm thā jo silā nahīñ tirī āhaToñ se gilā nahīñ

mire ham-safar tirī ḳhair ho tū jo chaah kar bhī milā nahīñ

mire bāġh-e-dil kī zamīn ko mire ashk sīñchte rah ga.e

tirī hasratoñ kā junūn thā vo jo phuul mujh se khilā nahīñ

kabhī dekh to kyā sabab huā tire dard meñ jo ġhazab huā

mujhe tū vafā kā tilak lagā maiñ vo sang huuñ jo hilā nahiñ

mire haath meñ jo ye jaam hai tirī be-ruḳhī kā in.aam hai

mire tājvar zarā thaam le mujhe aur dard pilā nahīñ

wahi zaKHm tha jo sila nahin teri aahaTon se gila nahin

mere ham-safar teri KHair ho tu jo chah kar bhi mila nahin

mere bagh-e-dil ki zamin ko mere ashk sinchte rah gae

teri hasraton ka junun tha wo jo phul mujh se khila nahin

kabhi dekh to kya sabab hua tere dard mein jo ghazab hua

mujhe tu wafa ka tilak laga main wo sang hun jo hila nahin

mere hath mein jo ye jam hai teri be-ruKHi ka inam hai

mere tajwar zara tham le mujhe aur dard pila nahin