wahm hi hoga magar rose kahan hota hai
vahm hī hogā magar roz kahāñ hotā hai
dhuñdh chhā.ī hai to ik chehra ayaañ hotā hai
shaam ḳhush-rañg parindoñ ke chahak jaane se
ghar huā jaatā hai din meñ jo makāñ hotā hai
vo koī jazba ho alfāz kā mohtāj nahīñ
kuchh na kahnā bhī ḳhud apnī hī zabāñ hotā hai
be-sabab kuchh bhī nahīñ hotā hai yā yuuñ kahiye
aag lagtī hai kahīñ par to dhuāñ hotā hai
bāz-gasht aur sadāoñ kī ubhar aatī hai
jitnā ḳhālī koī 'akhilesh' kuaañ hotā hai
wahm hi hoga magar roz kahan hota hai
dhundh chhai hai to ek chehra ayan hota hai
sham KHush-rang parindon ke chahak jaane se
ghar hua jata hai din mein jo makan hota hai
wo koi jazba ho alfaz ka mohtaj nahin
kuchh na kahna bhi KHud apni hi zaban hota hai
be-sabab kuchh bhi nahin hota hai ya yun kahiye
aag lagti hai kahin par to dhuan hota hai
baz-gasht aur sadaon ki ubhar aati hai
jitna KHali koi 'akhilesh' kuan hota hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
