wahm ki intiha hai kya yani

vahm kī intihā hai kyā yā'nī

masnad-e-zehn pe ḳhudā yā'nī

sar-ba-sar bhūlne kī koshish meñ

maiñ use sochtā rahā yā'nī

maiñ huuñ maujūd bārhā tujh meñ

huuñ magar ḳhud meñ lāpata yā'nī

dil dukhānā tujhī se sīkhā hai

zahr hai zahr kī davā yā'nī

kitnā dushvār hai jiye jaanā

ḳhuld meñ bhī sazā hai kyā yā'nī

wahm ki intiha hai kya ya'ni

masnad-e-zehn pe KHuda ya'ni

sar-ba-sar bhulne ki koshish mein

main use sochta raha ya'ni

main hun maujud barha tujh mein

hun magar KHud mein lapata ya'ni

dil dukhana tujhi se sikha hai

zahr hai zahr ki dawa ya'ni

kitna dushwar hai jiye jaana

KHuld mein bhi saza hai kya ya'ni