wahm-o-guman jo had se guzarte chale gae

vahm-o-gumāñ jo had se guzarte chale ga.e

ham reza reza ho ke bikharte chale ga.e

jalva tumhārā ek nazar dekhne ke ba.ad

dil meñ nuqūsh-e-ishq nikharte chale ga.e

e.ajāz kam nahīñ thā kuchh un ke jamāl kā

ham diid kī talab meñ sañvarte chale ga.e

diiñ manziloñ ne un ko sadā.eñ bahut magar

dīvāne apnī dhun meñ guzarte chale ga.e

shāyad mirī vafāoñ meñ hī thī koī kamī

va.ade se apne vo to mukarte chale ga.e

aise parind jin kī uḌāneñ buland thiiñ

un ke paroñ ko log katarte chale ga.e

'ārif' rah-e-hayāt meñ nekī ke naam par

jo kaam ham ko karne the karte chale ga.e

wahm-o-guman jo had se guzarte chale gae

hum reza reza ho ke bikharte chale gae

jalwa tumhaara ek nazar dekhne ke baad

dil mein nuqush-e-ishq nikharte chale gae

eajaz kam nahin tha kuchh un ke jamal ka

hum did ki talab mein sanwarte chale gae

din manzilon ne un ko sadaen bahut magar

diwane apni dhun mein guzarte chale gae

shayad meri wafaon mein hi thi koi kami

wade se apne wo to mukarte chale gae

aise parind jin ki uDanen buland thin

un ke paron ko log katarte chale gae

'arif' rah-e-hayat mein neki ke nam par

jo kaam hum ko karne the karte chale gae