wahshat-e-gham mein achanak tere aane ka KHayal

vahshat-e-ġham meñ achānak tire aane kā ḳhayāl

jaise nādār ko gum-gashta ḳhazāne kā ḳhayāl

is mohabbat meñ hadaf koī bhī ban saktā hai

is meñ rakkhā nahīñ jaatā hai nishāne kā ḳhayāl

vo kabūtar to usī din se mire jaal meñ hai

jab use pahle-pahal aayā thā daane kā ḳhayāl

maiñ kināroñ ko kabhī dhyān meñ laatā hī nahīñ

lutf detā hai mujhe Dūbte jaane kā ḳhayāl

marne detā nahīñ maiñ bādiya-gardī kā rivāj

maiñ na.e ishq meñ laatā huuñ purāne kā ḳhayāl

ai ḳhudā mere muqaddar meñ vo sajda likh de

jis meñ aa.e na mujhe sar ko uThāne kā ḳhayāl

wahshat-e-gham mein achanak tere aane ka KHayal

jaise nadar ko gum-gashta KHazane ka KHayal

is mohabbat mein hadaf koi bhi ban sakta hai

is mein rakkha nahin jata hai nishane ka KHayal

wo kabutar to usi din se mere jal mein hai

jab use pahle-pahal aaya tha dane ka KHayal

main kinaron ko kabhi dhyan mein lata hi nahin

lutf deta hai mujhe Dubte jaane ka KHayal

marne deta nahin main baadiya-gardi ka riwaj

main nae ishq mein lata hun purane ka KHayal

ai KHuda mere muqaddar mein wo sajda likh de

jis mein aae na mujhe sar ko uThane ka KHayal