wahshat-e-gham se raat bhar yaro

vahshat-e-ġham se raat bhar yaaro

royā maiñ phir huī sahar yaaro

jaanā chāheñ bhī to kidhar jaa.eñ

kho ga.e saare rahguzar yaaro

zehn-o-dil se nikāl kar us ko

kar diyā ḳhud ko mo'atabar yaaro

umr bhar gard-e-rāh kī sūrat

maiñ jo kartā rahā safar yaaro

aa.ī ḳhāk-e-vatan kī yaad magar

lauT kar phir ga.e na ghar yaaro

hai tamannā na.ī fazā kī magar

kaT ga.e apne bāl-o-par yaaro

chāhe jitnā ḳhayāl rakkho mirā

umr merī hai muḳhtasar yaaro

wahshat-e-gham se raat bhar yaro

roya main phir hui sahar yaro

jaana chahen bhi to kidhar jaen

kho gae sare rahguzar yaro

zehn-o-dil se nikal kar us ko

kar diya KHud ko mo'atabar yaro

umr bhar gard-e-rah ki surat

main jo karta raha safar yaro

aai KHak-e-watan ki yaad magar

lauT kar phir gae na ghar yaro

hai tamanna nai faza ki magar

kaT gae apne baal-o-par yaro

chahe jitna KHayal rakkho mera

umr meri hai muKHtasar yaro