wahshat firaq KHauf tera dhyan al-aman
vahshat firāq ḳhauf tirā dhyān al-amān
kitnī balā.eñ haiñ mirī mehmān al-amān
āñkhoñ ko ḳhīra kar gayā ik jalva-e-sharīr
aur dil ko khā ga.ī tirī muskān al-amān
ik silsila juḌā thā ki phir aañkh khul ga.ī
kis darja ho gayā mirā nuqsān al-amān
ai husn-e-dil-fareb zarā der ko fareb
karne lagā hai hijr pareshān al-amān
ai ish-e-mehrbān koī dam koī darūd
miltā nahīñ koī bhī nigahbān al-amān
aise nikalnā hai tirī bazm-e-jamāl se
jaise kisī badan se koī jaan al-amān
wahshat firaq KHauf tera dhyan al-aman
kitni balaen hain meri mehman al-aman
aankhon ko KHira kar gaya ek jalwa-e-sharir
aur dil ko kha gai teri muskan al-aman
ek silsila juDa tha ki phir aankh khul gai
kis darja ho gaya mera nuqsan al-aman
ai husn-e-dil-fareb zara der ko fareb
karne laga hai hijr pareshan al-aman
ai ish-e-mehrban koi dam koi darud
milta nahin koi bhi nigahban al-aman
aise nikalna hai teri bazm-e-jamal se
jaise kisi badan se koi jaan al-aman
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
