wahshat mein dil kitna kushada karna paDta hai
vahshat meñ dil kitnā kushāda karnā paḌtā hai
in giilī āñkhoñ ko sahrā karnā paḌtā hai
mujh ko ik āvāz tirī sunñe kī koshish meñ
kitne sannāToñ kā pīchhā karnā paḌtā hai
tab khultī hai ham par qadr-o-qīmat phūloñ kī
jab kāñToñ ke saath guzārā karnā paḌtā hai
yaar baḌā ban kar rahnā āsān nahīñ hotā
apne aap ko kitnā chhoTā karnā paḌtā hai
koh-e-girāñ haa.il hotā hai jis ke raste meñ
ik din us ko tez dhamāka karnā paḌtā hai
apne ghar kī bāteñ 'āzim' ghar tak rakhne meñ
dīvār-o-dar se samjhautā karnā paḌtā hai
wahshat mein dil kitna kushada karna paDta hai
in gili aankhon ko sahra karna paDta hai
mujh ko ek aawaz teri sunne ki koshish mein
kitne sannaTon ka pichha karna paDta hai
tab khulti hai hum par qadr-o-qimat phulon ki
jab kanTon ke sath guzara karna paDta hai
yar baDa ban kar rahna aasan nahin hota
apne aap ko kitna chhoTa karna paDta hai
koh-e-giran hail hota hai jis ke raste mein
ek din us ko tez dhamaka karna paDta hai
apne ghar ki baaten 'azim' ghar tak rakhne mein
diwar-o-dar se samjhauta karna paDta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
