وحشت میں کیا شک ہے جی

وحشت میں کیا شک ہے جی

ہم سوں کی لیکھک ہے جی

نیچوں سے رشتے جوڑے

نسلاً ہی مورکھ ہے جی

اس دل کے آئینے میں

وہ صورت اب تک ہے جی

اس کے یاد آنے کا وقت

صبح سے شب نو تک ہے جی

آنسو کے موتی نکلیں

یادوں کی گلک ہے جی

چہروں کا اجلا پن کیا

من میں تو کالک ہے جی

رج کر دل زخماتی ہے

وہ صورت گھاتک ہے جی

ہم کو پیار کا غم سب کچھ

تم کو تو ناٹک ہے جی

آنکھیں ہیں مدرا اس کی

غم ان کا گاہک ہے جی

کانوں میں آواز اس کی

دل ہے یا دھک دھک ہے جی

پھل دیکھیں کیا آتا ہے

محنت تو انتھک ہے جی