wahshat mein kya shak hai ji

vahshat meñ kyā shak hai jī

ham soñ kī lekhak hai jī

nīchoñ se rishte joḌe

naslan hī mūrakh hai jī

is dil ke ā.īne meñ

vo sūrat ab tak hai jī

us ke yaad aane kā vaqt

sub.h se shab nau tak hai jī

aañsū ke motī nikleñ

yādoñ kī gullak hai jī

chehroñ kā ujlā-pan kyā

man meñ to kālak hai jī

raj kar dil zaḳhmātī hai

vo sūrat ghātak hai jī

ham ko pyaar kā ġham sab kuchh

tum ko to nāTak hai jī

āñkheñ haiñ mudrā us kī

ġham un kā gāhak hai jī

kānoñ meñ āvāz us kī

dil hai yā dhak-dhak hai jī

phal dekheñ kyā aatā hai

mehnat to anthak hai jī

wahshat mein kya shak hai ji

hum son ki lekhak hai ji

nichon se rishte joDe

naslan hi murakh hai ji

is dil ke aaine mein

wo surat ab tak hai ji

us ke yaad aane ka waqt

subh se shab nau tak hai ji

aansu ke moti niklen

yaadon ki gullak hai ji

chehron ka ujla-pan kya

man mein to kalak hai ji

raj kar dil zaKHmati hai

wo surat ghatak hai ji

hum ko pyar ka gham sab kuchh

tum ko to naTak hai ji

aankhen hain mudra us ki

gham un ka gahak hai ji

kanon mein aawaz us ki

dil hai ya dhak-dhak hai ji

phal dekhen kya aata hai

mehnat to anthak hai ji