wahshat sada-e-dasht hai wahshat qaba-e-dasht

vahshat sadā-e-dasht hai vahshat qabā-e-dasht

mujh par kisī kī yaad ne kyā kyā banā.e dasht

mujh par kisī kā hijr musalsal na kījiyo

yā-rabb-e-zul-jalāl mire ai ḳhudā-e-dasht

majnūñ ko dekh mere duvāre pe aa gayā

kaasa uThā ke kahtā hai vahshat barā-e-dasht

jaise kisī kī saañs ukhaḌtī huī lage

jaise kisī ko raas na aa.e havā-e-dasht

tujh par jo niiñd ḳhvāb kā dohrā 'azāb hai

to kyoñ na tujh pe phūñk duuñ paḌh kar du'ā-e-dasht

wahshat sada-e-dasht hai wahshat qaba-e-dasht

mujh par kisi ki yaad ne kya kya banae dasht

mujh par kisi ka hijr musalsal na kijiyo

ya-rabb-e-zul-jalal mere ai KHuda-e-dasht

majnun ko dekh mere duware pe aa gaya

kasa uTha ke kahta hai wahshat bara-e-dasht

jaise kisi ki sans ukhaDti hui lage

jaise kisi ko ras na aae hawa-e-dasht

tujh par jo nind KHwab ka dohra 'azab hai

to kyon na tujh pe phunk dun paDh kar du'a-e-dasht