waise is aab-o-gil mein kya na hua

vaise is āb-o-gil meñ kyā na huā

koī banda magar ḳhudā na huā

uf re un ke jamāl kā aalam

mujh se iz.hār-e-mudda.ā na huā

sāqī-e-mai-kadā ne jo de dī

maiñ use pī ke bad-maza na huā

mujh se ibrat jahāñ ko hāsil hai

maiñ burā ho ki bhī burā na huā

zaḳhm dil kā shumār kaun kare

tiir us kā koī ḳhatā na huā

qaid-e-ġham se magar rihā nā huā

maiñ ne koshish bhī kī duā bhī kī

qaid-e-ġham se magar rihā na huā

mar gayā 'āsī'-e-shikasta-dil

ye bhī achchhā huā burā na huā

waise is aab-o-gil mein kya na hua

koi banda magar KHuda na hua

uf re un ke jamal ka aalam

mujh se izhaar-e-muddaa na hua

saqi-e-mai-kada ne jo de di

main use pi ke bad-maza na hua

mujh se ibrat jahan ko hasil hai

main bura ho ki bhi bura na hua

zaKHm dil ka shumar kaun kare

tir us ka koi KHata na hua

qaid-e-gham se magar riha na hua

main ne koshish bhi ki dua bhi ki

qaid-e-gham se magar riha na hua

mar gaya 'asi'-e-shikasta-dil

ye bhi achchha hua bura na hua