wajd-e-ahl-e-kamal hai kuchh aur

vajd-e-ahl-e-kamāl hai kuchh aur

shaiḳh-sāhib kā haal hai kuchh aur

hosh jaatā hai ahl-e-hosh kā sun

tere mastoñ kā haal hai kuchh aur

faḳhr-e-insāñ nahīñ malak honā

jī meñ apne ḳhayāl hai kuchh aur

jis ko kahte haiñ vasl vasl nahīñ

ma.anī-e-ittisāl hai kuchh aur

ġhair-e-harf-e-niyāz so bhī kabhū

kah sakūñ huuñ majāl hai kuchh aur

ruḳh-e-ḳhurshīd par kahāñ vo nuur

mere mah kā jamāl hai kuchh aur

sarv! da.avā-e-ham-sarī mat kar

vo qad-e-naunihāl hai kuchh aur

kabk tū ḳhush-ḳhirām hai lekin

yaar kī mere chaal hai kuchh aur

dekh chal tū bhī hālat-e-'bedār'

aaj us kā to haal hai kuchh aur

wajd-e-ahl-e-kamal hai kuchh aur

shaiKH-sahib ka haal hai kuchh aur

hosh jata hai ahl-e-hosh ka sun

tere maston ka haal hai kuchh aur

faKHr-e-insan nahin malak hona

ji mein apne KHayal hai kuchh aur

jis ko kahte hain wasl wasl nahin

mani-e-ittisal hai kuchh aur

ghair-e-harf-e-niyaz so bhi kabhu

kah sakun hun majal hai kuchh aur

ruKH-e-KHurshid par kahan wo nur

mere mah ka jamal hai kuchh aur

sarw! dawa-e-ham-sari mat kar

wo qad-e-naunihaal hai kuchh aur

kabk tu KHush-KHiram hai lekin

yar ki mere chaal hai kuchh aur

dekh chal tu bhi haalat-e-'bedar'

aaj us ka to haal hai kuchh aur