وجہ رنگینئ حیات گئی
تم گئے ساری کائنات گئی
موسم گل ہے فصل جامہ دری
احتیاج تکلفات گئی
جب سے لذت کش جفا ہے دل
حاجت چشم التفات گئی
صبح تک منتظر رہے انجم
تم نہ آئے تمام رات گئی
بڑھ گیا اور رنگ استغنا
درد دل کہہ کے اپنی بات گئی
ان کی آنکھوں سے ڈھل پڑے آنسو
مایۂ حسن کی زکوٰۃ گئی
لب نوشین یار کی خاطر
دل سے شیرینیٔ حیات گئی
عاشقی کے قمار خانے میں
جو بھی بازی لگائی مات گئی
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
