وقف نگاہ ناز مرا دل نہ ہو سکا

وقف نگاہ ناز مرا دل نہ ہو سکا

یہ آئنہ بھی ان کے مقابل نہ ہو سکا

آشفتگیٔ عشق کا حامل نہ ہو سکا

یعنی کوئی حریف غم دل نہ ہو سکا

بے گانگیٔ عشق کا عالم نہ پوچھئے

کوئی شریک بیکسیٔ دل نہ ہو سکا

جس میں کہ تیری یاد سے غافل رہا ہوں میں

وہ لمحہ میری زیست میں شامل نہ ہو سکا

کانوں میں اتنے پاس سے آئی صدائے دوست

مجھ کو یقین دوریٔ منزل نہ ہو سکا

جب تک جنون عشق کی شورش نہ مٹ گئی

دل ان کی بزم ناز کے قابل نہ ہو سکا

یوں تو خوشی بھی قبضۂ قدرت میں تھی مگر

غم کے بغیر تکملۂ دل نہ ہو سکا