waqt ajib chiz hai waqt ke sath Dhal gae

vaqt ajiib chiiz hai vaqt ke saath Dhal ga.e

tum bhī bahut badal ga.e ham bhī bahut badal ga.e

mere laboñ ke vāste ab vo samā.ateñ kahāñ

tum se kaheñ bhī kyā ki tum duur bahut nikal ga.e

tez havā ne har taraf aag bikher dī tamām

apne hī ghar kā zikr kyā shahr ke shahr jal ga.e

mauja-e-gul se ham-kanār ahl-e-junūñ ajiib the

jaane kahāñ se aa.e the jaane kidhar nikal ga.e

shauq-e-visāl thā bahut so hai visāl hī visāl

hijr ke rañg ab kahāñ mausam-e-ġham badal ga.e

sūrat-e-hāl ab ye hai ki log ḳhilāf haiñ mire

ai mire ham-ḳhyāl-o-ḳhvāb tum to nahīñ badal ga.e

bū-e-gul aur hisār-e-gul ahl-e-chaman pe zulm hai

apnī hudūd-e-zāt se jaan ke ham nikal ga.e

āb-e-hayāt jaan kar zahr piyā gayā yahāñ

zahr bhī ḳhāmushī kā zahr-e-jism tamām gal ga.e

sham-e-badan bhī the ka.ī rāh-e-junūñ meñ ham-safar

tāb-e-muqāvamat na thī dhuup paḌī pighal ga.e

waqt ajib chiz hai waqt ke sath Dhal gae

tum bhi bahut badal gae hum bhi bahut badal gae

mere labon ke waste ab wo samaaten kahan

tum se kahen bhi kya ki tum dur bahut nikal gae

tez hawa ne har taraf aag bikher di tamam

apne hi ghar ka zikr kya shahr ke shahr jal gae

mauja-e-gul se ham-kanar ahl-e-junun ajib the

jaane kahan se aae the jaane kidhar nikal gae

shauq-e-visal tha bahut so hai visal hi visal

hijr ke rang ab kahan mausam-e-gham badal gae

surat-e-haal ab ye hai ki log KHilaf hain mere

ai mere ham-KHyal-o-KHwab tum to nahin badal gae

bu-e-gul aur hisar-e-gul ahl-e-chaman pe zulm hai

apni hudud-e-zat se jaan ke hum nikal gae

aab-e-hayat jaan kar zahr piya gaya yahan

zahr bhi KHamushi ka zahr-e-jism tamam gal gae

sham-e-badan bhi the kai rah-e-junun mein ham-safar

tab-e-muqawamat na thi dhup paDi pighal gae