وقت بے وقت وہ یاد آتے رہے

وقت بے وقت وہ یاد آتے رہے

شدتوں سے ہیں دل جو جلاتے رہے

فاصلے کم نہ ہوتے دکھے پھر ہمیں

گو قدم در قدم وہ بڑھاتے رہے

دل میں کچھ اور تھا لب پہ تھا اور کچھ

کہنے کو ہم سے الفت نبھاتے رہے

پیار میں اس کے ہر چوٹ گہری ملی

زخم پر زخم ہم روز کھاتے رہے

یہ قلم بس مرا اس کو لکھتا رہا

آنکھ میں خواب جس کے سجاتے رہے

آہ بھرتی رہی زندگی یہ مری

محفلوں میں مگر مسکراتے رہے

دل نے کھولی گرہ بس اسی کے لیے

جس کے نغمے مرے دل کو بھاتے رہے