waqt-e-aKHir jo baalin par aajaiyo

vaqt-e-āḳhir jo bālīñ par ājā.iyo

yaad rakhiyo bahut nekiyāñ pā.iyo

mere laa.eq jo ho mujh ko batlā.iyo

jaan hāzir hai kuchh aur farmā.iyo

ek Dar mujh ko arz-e-tamannā meñ hai

tum pasīne pasīne na ho jā.iyo

ham duā amn kī māñgte haiñ magar

aap bhī apnī paa.el ko samjhā.iyo

ham ko bhī kuchh lakīroñ kī pahchān hai

aap apnī hathelī idhar lā.iyo

hāl-e-dil ham sunāte haiñ hañste ho tum

ham nahīñ bolte tum se ab jā.iyo

miir ke rañg meñ likh ke ġhazleñ 'alīm'

dhīre dhīre na tum miir ban jā.iyo

waqt-e-aKHir jo baalin par aajaiyo

yaad rakhiyo bahut nekiyan paiyo

mere laeq jo ho mujh ko batlaiyo

jaan hazir hai kuchh aur farmaiyo

ek Dar mujh ko arz-e-tamanna mein hai

tum pasine pasine na ho jaiyo

hum dua amn ki mangte hain magar

aap bhi apni pael ko samjhaiyo

hum ko bhi kuchh lakiron ki pahchan hai

aap apni hatheli idhar laiyo

haal-e-dil hum sunate hain hanste ho tum

hum nahin bolte tum se ab jaiyo

mir ke rang mein likh ke ghazlen 'alim'

dhire dhire na tum mir ban jaiyo