waqt-e-ruKHsat shabnami saughat ki baaten karo
vaqt-e-ruḳhsat shabnamī sauġhāt kī bāteñ karo
zikr ashkoñ kā karo barsāt kī bāteñ karo
apnī miTTī kā bhī tum par haq hai samjho to sahī
chāñd sūraj kī nahīñ zarrāt kī bāteñ karo
ḳhūn-e-insāñ se huī hai sub.h jis kī dāġh-dār
chand hī lamhe sahī us raat kī bāteñ karo
kab talak uljhī rahegī zulf-e-jānāñ meñ ġhazal
dosto kuchh aaj ke hālāt kī bāteñ karo
mausam-e-gul meñ agar karnī hoñ kuchh bāteñ 'valī'
phuul kī ḳhushbū kī aur naġhmāt kī bāteñ karo
waqt-e-ruKHsat shabnami saughat ki baaten karo
zikr ashkon ka karo barsat ki baaten karo
apni miTTi ka bhi tum par haq hai samjho to sahi
chand suraj ki nahin zarraat ki baaten karo
KHun-e-insan se hui hai subh jis ki dagh-dar
chand hi lamhe sahi us raat ki baaten karo
kab talak uljhi rahegi zulf-e-jaanan mein ghazal
dosto kuchh aaj ke haalat ki baaten karo
mausam-e-gul mein agar karni hon kuchh baaten 'wali'
phul ki KHushbu ki aur naghmat ki baaten karo
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
