waqt hi itna laga sham ki mismari mein

vaqt hī itnā lagā shaam kī mismārī meñ

sub.h bhī ḳharch huī raat kī tayyārī meñ

kitnī mushkil se milī mujh ko kalīd-e-dar-e-chashm

aur ab dekhā to kuchh bhī nahīñ almārī meñ

us ko taknā thā ki āñkhoñ kī thakan ḳhatm huī

āḳhirash niiñd mukammal huī bedārī meñ

jaane kaisī mirī āvāz thī kaisā maiñ thā

bhūltā jaatā huuñ ḳhud ko bhī adākārī meñ

vo siyah-rang nafas bahtā hai mujh meñ ab tak

chashma-e-dūd nihāñ hai abhī chingārī meñ

jis tarah qad se baḌe kapḌe pahan le koī

aisā lagtā huuñ maiñ ab hālat-e-sarshārī meñ

waqt hi itna laga sham ki mismari mein

subh bhi KHarch hui raat ki tayyari mein

kitni mushkil se mili mujh ko kalid-e-dar-e-chashm

aur ab dekha to kuchh bhi nahin almari mein

us ko takna tha ki aankhon ki thakan KHatm hui

aaKHirash nind mukammal hui bedari mein

jaane kaisi meri aawaz thi kaisa main tha

bhulta jata hun KHud ko bhi adakari mein

wo siyah-rang nafas bahta hai mujh mein ab tak

chashma-e-dud nihan hai abhi chingari mein

jis tarah qad se baDe kapDe pahan le koi

aisa lagta hun main ab haalat-e-sarshaari mein