waqt hi kam tha faisle ke liye

vaqt hī kam thā faisle ke liye

varna maiñ aatā mashvare ke liye

tum ko achchhe lage to tum rakh lo

phuul toḌe the bechne ke liye

ghanToñ ḳhāmosh rahnā paḌtā hai

aap ke saath bolne ke liye

saikaḌoñ kunDiyāñ lagā rahā huuñ

chand batnoñ ko kholne ke liye

ek dīvār baaġh se pahle

ik dupaTTā khule gale ke liye

tark apnī falāh kar dī hai

aur kyā ho muāshare ke liye

log āyāt paḌh ke sote haiñ

aap ke ḳhvāb dekhne ke liye

ab maiñ raste meñ leT jā.ūñ kyā

jaane vāloñ ko rokne ke liye

waqt hi kam tha faisle ke liye

warna main aata mashware ke liye

tum ko achchhe lage to tum rakh lo

phul toDe the bechne ke liye

ghanTon KHamosh rahna paDta hai

aap ke sath bolne ke liye

saikaDon kunDiyan laga raha hun

chand batnon ko kholne ke liye

ek diwar bagh se pahle

ek dupaTTa khule gale ke liye

tark apni falah kar di hai

aur kya ho muashare ke liye

log aayat paDh ke sote hain

aap ke KHwab dekhne ke liye

ab main raste mein leT jaun kya

jaane walon ko rokne ke liye