waqt jab sazgar hota hai

vaqt jab sāzgār hotā hai

sach hai dushman bhī yaar hotā hai

baañT le ġham jo ġham ke māroñ kā

vo baḌā ġham-gusār hotā hai

log us ko bhī kaaT dete haiñ

peḌ jo sāya-dār hotā hai

jis kā koī nahīñ zamāne meñ

us kā parvardigār hotā hai

jis ke āġhāz kā ho nek anjām

kaam vo shāndār hotā hai

aap gulshan meñ jab nahīñ hote

gul bhī nazroñ meñ ḳhaar hotā hai

dil kī baazī vo haar ke bole

jiit kā naam haar hotā hai

vo baḌā ḳhush-nasīb hai yaaro

yaar ko jis se pyaar hotā hai

chashm-e-bīmār band hone lagī

ḳhatm ab intizār hotā hai

us kā lāsha koī na ho jis kā

be-kafan be-mazār hotā hai

dīda-e-ahl-e-dard meñ 'purnam'

ashk dil kī pukār hotā hai

waqt jab sazgar hota hai

sach hai dushman bhi yar hota hai

banT le gham jo gham ke maron ka

wo baDa gham-gusar hota hai

log us ko bhi kaT dete hain

peD jo saya-dar hota hai

jis ka koi nahin zamane mein

us ka parwardigar hota hai

jis ke aaghaz ka ho nek anjam

kaam wo shandar hota hai

aap gulshan mein jab nahin hote

gul bhi nazron mein KHar hota hai

dil ki bazi wo haar ke bole

jit ka nam haar hota hai

wo baDa KHush-nasib hai yaro

yar ko jis se pyar hota hai

chashm-e-bimar band hone lagi

KHatm ab intizar hota hai

us ka lasha koi na ho jis ka

be-kafan be-mazar hota hai

dida-e-ahl-e-dard mein 'purnam'

ashk dil ki pukar hota hai