waqt ka suraj jalan ke rup mein jab aa gaya

vaqt kā sūraj jalan ke ruup meñ jab aa gayā

sañg-tan par dhuup ke sailāb ko rokā gayā

past himmat ke zarīye ho gayā radd-e-amal

ham ko be-maqsad dilāsā de ke bahlāyā gayā

be-zabāñ zaḳhmoñ ko fart-e-ḳhvāhishāt-e-zīst ko

jo na samjhā ġhair-zimm-e-dār vo samjhā gayā

dard kī lahroñ ne rakkhā muztarib anfās ko

naam ke tūfāñ se jism-e-ārzū Dhāñpā gayā

āḳhirī bātoñ kī rūposhī ke vo qaa.il na the

kahne vāloñ ko magar kahne se bhī rokā gayā

ham bachāte hī rahe us ko mohabbat se 'hasīr'

apnī harakat se magar vo ḳhud yahāñ pakḌā gayā

waqt ka suraj jalan ke rup mein jab aa gaya

sang-tan par dhup ke sailab ko roka gaya

past himmat ke zariye ho gaya radd-e-amal

hum ko be-maqsad dilasa de ke bahlaya gaya

be-zaban zaKHmon ko fart-e-KHwahishat-e-zist ko

jo na samjha ghair-zimm-e-dar wo samjha gaya

dard ki lahron ne rakkha muztarib anfas ko

nam ke tufan se jism-e-arzu Dhanpa gaya

aaKHiri baaton ki ruposhi ke wo qail na the

kahne walon ko magar kahne se bhi roka gaya

hum bachate hi rahe us ko mohabbat se 'hasir'

apni harakat se magar wo KHud yahan pakDa gaya