waqt karta hai KHud-kushi mujh mein
vaqt kartā hai ḳhud-kushī mujh meñ
lamha lamha hai zindagī mujh meñ
sone vaalī samā.ato jaago
ḳhāmushī bolne lagī mujh meñ
shukriya ai jalāne vaale terā
duur tak ab hai raushnī mujh meñ
roz apnā hī ḳhuun piitā huuñ
aisī kab thī darindagī mujh meñ
is na.e daur meñ na kho jaa.e
ye jo baaqī hai sādgī mujh meñ
sher merā thā daad us ko milī
shaḳhsiyat kī kamī jo thī mujh meñ
jāntā huuñ maiñ apne qātil ko
roz kartā hai ḳhud-kushī mujh meñ
sher kahnā nahīñ hai sahal 'farāz'
ye vadī.at hai qudratī mujh meñ
waqt karta hai KHud-kushi mujh mein
lamha lamha hai zindagi mujh mein
sone wali samaato jago
KHamushi bolne lagi mujh mein
shukriya ai jalane wale tera
dur tak ab hai raushni mujh mein
roz apna hi KHun pita hun
aisi kab thi darindagi mujh mein
is nae daur mein na kho jae
ye jo baqi hai sadgi mujh mein
sher mera tha dad us ko mili
shaKHsiyat ki kami jo thi mujh mein
jaanta hun main apne qatil ko
roz karta hai KHud-kushi mujh mein
sher kahna nahin hai sahal 'faraaz'
ye wadiat hai qudrati mujh mein
- Book : Kashkol (Pg. 35)
- Author : Tahir Faraz
- Publication : Isteara Publications (2004)
- Edition : 2004
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
