waqt ke kitne hi rangon se guzarna hai abhi
vaqt ke kitne hī rañgoñ se guzarnā hai abhī
zindagī hai to ka.ī tarah se marnā hai abhī
kaT gayā din kā dahaktā huā sahrā bhī to kyā
raat ke gahre samundar meñ utarnā hai abhī
zehn ke reze to phaile haiñ fazā meñ har-sū
jism ko TuuT ke har gaam bikharnā hai abhī
kaun hai jis ke liye ab bhī dhaḌaktā hai dil
kis ko is ujḌe jazīre meñ Thaharnā hai abhī
ek ik rañg uḌā le ga.ī be-mehr huā
kitne ḳhāke haiñ jinheñ 'shām'-jī bharnā hai abhī
waqt ke kitne hi rangon se guzarna hai abhi
zindagi hai to kai tarah se marna hai abhi
kaT gaya din ka dahakta hua sahra bhi to kya
raat ke gahre samundar mein utarna hai abhi
zehn ke reze to phaile hain faza mein har-su
jism ko TuT ke har gam bikharna hai abhi
kaun hai jis ke liye ab bhi dhaDakta hai dil
kis ko is ujDe jazire mein Thaharna hai abhi
ek ek rang uDa le gai be-mehr hua
kitne KHake hain jinhen 'sham'-ji bharna hai abhi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
