وقت کے زیر و زبر میں نہیں رکھا جاتا

وقت کے زیر و زبر میں نہیں رکھا جاتا

مستقل ذہن کو ڈر میں نہیں رکھا جاتا

جس میں منزل ہی ملے چھالے وغیرہ نہ ملے

پاؤں اس راہ گزر میں نہیں رکھا جاتا

اس لیے بھی تجھے اپنا نہ بنایا ہم نے

شاہزادی کو کھنڈر میں نہیں رکھا جاتا

دیکھتا ہوں جو گھر اپنا تو یہ آتا ہے خیال

اتنی تنہائی کو گھر میں نہیں رکھا جاتا

ورنہ خرگوش کو کچھوا بھی ہرا دیتا ہے

شوق آرام سفر میں نہیں رکھا جاتا

ہم نے رکھے ہیں کئی دوست بھی دشمن جیسے

سب سے یہ زخم جگر میں نہیں رکھا جاتا