waqt ki zambil palTi aur us tak ja gira

vaqt kī zambīl palTī aur us tak jā girā

jism kā kashkol jis ne bad-duā se bhar diyā

āñganoñ tak aa ga.ī thī raushnī tasvīr kī

dhuup kā phailā huā thā shaam jaisā zā.iqa

maañd paḌne lag ga.ī saare charāġhoñ kī lapak

kis ne bujhte saa.e ko merī jagah hone diyā

rā.egāñ hote hue din ko milī rangat kī raat

sub.h raushan-dān ne manzar ko gadlā kar diyā

pahle maiñ us aks kī pahchān tak pahuñchā faqat

aur phir vo ā.ina-ḳhāna bhī mujh meñ zam huā

waqt ki zambil palTi aur us tak ja gira

jism ka kashkol jis ne bad-dua se bhar diya

aanganon tak aa gai thi raushni taswir ki

dhup ka phaila hua tha sham jaisa zaiqa

mand paDne lag gai sare charaghon ki lapak

kis ne bujhte sae ko meri jagah hone diya

raegan hote hue din ko mili rangat ki raat

subh raushan-dan ne manzar ko gadla kar diya

pahle main us aks ki pahchan tak pahuncha faqat

aur phir wo aaina-KHana bhi mujh mein zam hua