waqt kya shai hai pata aap hi chal jaega

vaqt kyā shai hai pata aap hī chal jā.egā

haath phūloñ pe bhī rakhkhoge to jal jā.egā

jis ko mahfil se nikālo ge nikal jā.egā

magar adbār to adbār hai Tal jā.egā

kahīñ fitrat ke taqāze bhī badal sakte haiñ

ghaas par sher jo pāloge to pal jā.egā

kah diyā thā ki ye rahbar jo chunā hai tum ne

saaf tote kī tarah aañkh badal jā.egā

vo badalte hue māhaul kā sāñcha hī sahī

koī sikka to nahīñ zehn ki Dhal jā.egā

sub.h-e-māyūs-e-gulistāñ kī qasam phir kahiye

bāġhbānoñ ke dimāġhoñ se ḳhalal jā.egā

mai-kade aa ke vo insān baneñ yā na baneñ

hazrat-e-shaiḳh kā īmān sambhal jā.egā

sitam-o-zulm kī Tahnī bhī nahīñ phal saktī

aap ne baaġh lagāyā hai to phal jā.egā

farz haiñ ham pe bayānāt-e-basīrat ai 'shād'

jis kī qismat meñ sambhalnā hai sambhal jā.egā

waqt kya shai hai pata aap hi chal jaega

hath phulon pe bhi rakhkhoge to jal jaega

jis ko mahfil se nikalo ge nikal jaega

magar adbar to adbar hai Tal jaega

kahin fitrat ke taqaze bhi badal sakte hain

ghas par sher jo paloge to pal jaega

kah diya tha ki ye rahbar jo chuna hai tum ne

saf tote ki tarah aankh badal jaega

wo badalte hue mahaul ka sancha hi sahi

koi sikka to nahin zehn ki Dhal jaega

subh-e-mayus-e-gulistan ki qasam phir kahiye

baghbanon ke dimaghon se KHalal jaega

mai-kade aa ke wo insan banen ya na banen

hazrat-e-shaiKH ka iman sambhal jaega

sitam-o-zulm ki Tahni bhi nahin phal sakti

aap ne bagh lagaya hai to phal jaega

farz hain hum pe bayanat-e-basirat ai 'shad'

jis ki qismat mein sambhalna hai sambhal jaega