waqt ne rang bahut badle kya kuchh sailab nahin aae

vaqt ne rañg bahut badle kyā kuchh sailāb nahīñ aa.e

mirī āñkheñ kab vīrān huiiñ kab tere ḳhvāb nahīñ aa.e

dil sahrā kā vo tishna-lab har baar yahī sochā jis ne

mumkin hai ki aage dariyā ho aur koī sarāb nahīñ aa.e

ham log kyuuñ itne pareshāñ haiñ kis baat par āḳhir nālāñ haiñ

kyā saarī bahāreñ ruuTh ga.iiñ kyā ab ke gulāb nahīñ aa.e

tum qurb kī rāhat kyā samjho tum hijr kī vahshat kyā jaano

tum ne vo raat nahīñ kaaTī tum par vo azaab nahīñ aa.e

pahle bhī jahāñ par bichhḌe the vahī manzil thī is baar magar

vo bhī be-laus nahīñ lauTā ham bhī be-tāb nahīñ aa.e

ye bazm-e-'hilāl' hai ḳhuub magar jab tak na sunā.eñ aap ġhazal

chehroñ ke gulāb nahīñ mahkeñ mahfil pe shabāb nahīñ aa.e

waqt ne rang bahut badle kya kuchh sailab nahin aae

meri aankhen kab viran huin kab tere KHwab nahin aae

dil sahra ka wo tishna-lab har bar yahi socha jis ne

mumkin hai ki aage dariya ho aur koi sarab nahin aae

hum log kyun itne pareshan hain kis baat par aaKHir nalan hain

kya sari bahaaren ruTh gain kya ab ke gulab nahin aae

tum qurb ki rahat kya samjho tum hijr ki wahshat kya jaano

tum ne wo raat nahin kaTi tum par wo azab nahin aae

pahle bhi jahan par bichhDe the wahi manzil thi is bar magar

wo bhi be-laus nahin lauTa hum bhi be-tab nahin aae

ye bazm-e-'hilal' hai KHub magar jab tak na sunaen aap ghazal

chehron ke gulab nahin mahken mahfil pe shabab nahin aae