waqt par ishq-e-zuleKHa ka asar lagta hai
vaqt par ishq-e-zuleḳhā kā asar lagtā hai
āḳhir-e-umr bhī āġhāz-e-safar lagtā hai
ye samundar hai magar soḳhta-jāñ shā.ir ko
kisī majbūr kā ik dīda-e-tar lagtā hai
sub.h-e-tāza hai muqaddar dil-e-māyūs Thahar
shajar-e-ummīd pe in.ām-e-samar lagtā hai
maiñ zabāñ-bandī kā ye ahd nahīñ toḌūñgā
haañ magar is dil-e-gustāḳh se Dar lagtā hai
hameñ idrāk-e-mohabbat to nahīñ hai lekin
itnā ma.alūm hai is khel meñ sar lagtā hai
waqt par ishq-e-zuleKHa ka asar lagta hai
aaKHir-e-umr bhi aaghaz-e-safar lagta hai
ye samundar hai magar soKHta-jaan shair ko
kisi majbur ka ek dida-e-tar lagta hai
subh-e-taza hai muqaddar dil-e-mayus Thahar
shajar-e-ummid pe inam-e-samar lagta hai
main zaban-bandi ka ye ahd nahin toDunga
han magar is dil-e-gustaKH se Dar lagta hai
hamein idrak-e-mohabbat to nahin hai lekin
itna malum hai is khel mein sar lagta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
