warna be-mani-o-be-kar gine jaenge

varna be-ma.anī-o-be-kār gine jā.eñge

shukr ham tere taraf-dār gine jā.eñge

ham pe vo dhuup abhī Thiik se niklī hī nahīñ

ham jahāñ sāya-e-dīvār gine jā.eñge

roz kuchh ḳhvāb banātā hai unheñ toḌtā huuñ

in meñ se Thiik to do-chār gine jā.eñge

is qadar aap ne rakkhā hai hañsī ko arzāñ

kal kalāñ aap bhī bāzār gine jā.eñge

aap bhī ḳhush nazar aate haiñ ki kuchh ġham hī na ho

aap bhī mujh se adākār gine jā.eñge

aap ke ginñe ke andāz se lagtā hai ki jald

jo haiñ is paar vo us paar gine jā.eñge

vo bhī din aa.egā do haath chhuveñge ham ko

aur ham bhī gul-o-gulzār gine jā.eñge

aap bhī kholte phirte haiñ purānī girheñ

ek din aap bhī ġhaddār gine jā.eñge

warna be-mani-o-be-kar gine jaenge

shukr hum tere taraf-dar gine jaenge

hum pe wo dhup abhi Thik se nikli hi nahin

hum jahan saya-e-diwar gine jaenge

roz kuchh KHwab banata hai unhen toDta hun

in mein se Thik to do-chaar gine jaenge

is qadar aap ne rakkha hai hansi ko arzan

kal kalan aap bhi bazar gine jaenge

aap bhi KHush nazar aate hain ki kuchh gham hi na ho

aap bhi mujh se adakar gine jaenge

aap ke ginne ke andaz se lagta hai ki jald

jo hain is par wo us par gine jaenge

wo bhi din aaega do hath chhuwenge hum ko

aur hum bhi gul-o-gulzar gine jaenge

aap bhi kholte phirte hain purani girhen

ek din aap bhi ghaddar gine jaenge