wasl bhi hijr tha visal na tha
vasl bhī hijr thā visāl na thā
mil rahe the magar ḳhayāl na thā
mil rahe the ki donoñ tanhā the
guftugū meñ bhī qīl-o-qāl na thā
mere aur us ke darmiyān abhī
koī bhī silsila bahāl na thā
rāste ḳhatm ho chuke the magar
vāpsī kā koī savāl na thā
ye bhī ik marhala tamām huā
ho ga.e the judā malāl na thā
vo tirā husn ho ki ishq mirā
koī pāband-e-māh-o-sāl na thā
wasl bhi hijr tha visal na tha
mil rahe the magar KHayal na tha
mil rahe the ki donon tanha the
guftugu mein bhi qil-o-qal na tha
mere aur us ke darmiyan abhi
koi bhi silsila bahaal na tha
raste KHatm ho chuke the magar
wapsi ka koi sawal na tha
ye bhi ek marhala tamam hua
ho gae the juda malal na tha
wo tera husn ho ki ishq mera
koi paband-e-mah-o-sal na tha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
