wasl hi wasl rahe hijr ka imkan na ho

vasl hī vasl rahe hijr kā imkān na ho

ai mire dost ye rishta kabhī be-jān na ho

ek qaidī kī tamannā hai nayā shahr mile

shahr aisā ki jahāñ par koī zindān na ho

dil ko raas aa.ī haiñ ye mushkileñ mushkil se bahut

ab maiñ ye chāhtā huuñ zindagī āsān na ho

baat tujh se tire andāz meñ hī kar rahā ho

mere lahje kī akaḌ sun ke tū hairān na ho

is qadar tañg haiñ māyūs nigāheñ us kī

maut bhī sāmne aa.e to pareshān na ho

kis ke aage ye malā.ek kī jabīneñ ḳham haiñ

jis ko sajda ye huā hai kahīñ insān na ho

wasl hi wasl rahe hijr ka imkan na ho

ai mere dost ye rishta kabhi be-jaan na ho

ek qaidi ki tamanna hai naya shahr mile

shahr aisa ki jahan par koi zindan na ho

dil ko ras aai hain ye mushkilen mushkil se bahut

ab main ye chahta hun zindagi aasan na ho

baat tujh se tere andaz mein hi kar raha ho

mere lahje ki akaD sun ke tu hairan na ho

is qadar tang hain mayus nigahen us ki

maut bhi samne aae to pareshan na ho

kis ke aage ye malaek ki jabinen KHam hain

jis ko sajda ye hua hai kahin insan na ho