wasl mein pher ke munh hae kisi ka kahna

vasl meñ pher ke muñh haa.e kisī kā kahnā

ham na māneñge na māneñge kisī kā kahnā

ek dushman hai ki tum sunte ho us kā kahnā

ek maiñ huuñ kabhī hotā nahīñ merā kahnā

dilrubā kahtā hai ai yaar dulārā kahnā

ek to naam haiñ do phir tujhe kyā kyā kahnā

ham manāte haiñ tumheñ bahr-e-ḳhudā man jaao

maan lo maan lo ai jaan hamārā kahnā

zeb-e-mahfil bhī ho tum zīnat-e-gulshan bhī ho tum

chaman-ārā ki tumheñ anjuman-ārā kahnā

ek hī vaar meñ sar tan se judā kar Daalā

vaah ai ḳhanjar-e-saffāk tirā kyā kahnā

dekh kar un ko mirā shauq ye kahnā hai mujhe

tujh ko manzūr hai jo kuchh unheñ kahnā kahnā

mujh ko ik jaam pilā kar ye kahā saaqī ne

ho agar aur zarūrat to dobārā kahnā

dard-e-dil dard-e-jigar dekhtā jā ai saaqī

kyā kahā kyā kahā phir kahnā dobāra kahnā

tauba karne kā kahā maiñ ne to saaqī ne kahā

kyā kahā kyā kahā phir kahnā dobāra kahnā

jo burā kahte haiñ kahne do unheñ ai 'sābir'

haq to ye hai ki mire haq meñ hai achchhā kahnā

wasl mein pher ke munh hae kisi ka kahna

hum na manenge na manenge kisi ka kahna

ek dushman hai ki tum sunte ho us ka kahna

ek main hun kabhi hota nahin mera kahna

dilruba kahta hai ai yar dulara kahna

ek to nam hain do phir tujhe kya kya kahna

hum manate hain tumhein bahr-e-KHuda man jao

man lo man lo ai jaan hamara kahna

zeb-e-mahfil bhi ho tum zinat-e-gulshan bhi ho tum

chaman-ara ki tumhein anjuman-ara kahna

ek hi war mein sar tan se juda kar Dala

wah ai KHanjar-e-saffak tera kya kahna

dekh kar un ko mera shauq ye kahna hai mujhe

tujh ko manzur hai jo kuchh unhen kahna kahna

mujh ko ek jam pila kar ye kaha saqi ne

ho agar aur zarurat to dobara kahna

dard-e-dil dard-e-jigar dekhta ja ai saqi

kya kaha kya kaha phir kahna dobara kahna

tauba karne ka kaha main ne to saqi ne kaha

kya kaha kya kaha phir kahna dobara kahna

jo bura kahte hain kahne do unhen ai 'sabir'

haq to ye hai ki mere haq mein hai achchha kahna