waz-dari ka chalan ka na tarahdari ka

vaz'-dārī kā chalan kā na tarahdārī kā

ye zamāna hai numā.ish kā adākārī kā

qāfile se bhī bahut pīchhe haiñ manzil se bhī duur

ye sila ham ko milā qāfila-sālārī kā

ḳhush-libāsī kī ye ḳhūbī ye sifat kam to nahīñ

'aib kuchh der chhupā letī hai nādārī kā

āḳhir ik din abadī niiñd meñ so jā.ūñgā maiñ

ḳhvāb ho jā.egā 'ālam mirī bedārī kā

us kī tā'bīr meñ ik 'umr se huuñ qaidī-e-ġham

ḳhvāb meñ dekhā thā manzar jo giraftārī kā

kyā pasandīda sī shai ho ga.ī zāhir-dārī

jo 'amal hai vo dikhāve kā riyā-kārī kā

aaḌe aa jaatā hai har rāh-e-taraqqī meñ 'vaqār'

mas.ala merī anā kā mirī ḳhud-dārī kā

waz'-dari ka chalan ka na tarahdari ka

ye zamana hai numaish ka adakari ka

qafile se bhi bahut pichhe hain manzil se bhi dur

ye sila hum ko mila qafila-salari ka

KHush-libasi ki ye KHubi ye sifat kam to nahin

'aib kuchh der chhupa leti hai nadari ka

aaKHir ek din abadi nind mein so jaunga main

KHwab ho jaega 'alam meri bedari ka

us ki ta'bir mein ek 'umr se hun qaidi-e-gham

KHwab mein dekha tha manzar jo giraftari ka

kya pasandida si shai ho gai zahir-dari

jo 'amal hai wo dikhawe ka riya-kari ka

aaDe aa jata hai har rah-e-taraqqi mein 'waqar'

masala meri ana ka meri KHud-dari ka