wentilator jism ko naqli sanson se bharta tha

ventilator jism ko naqlī sāñsoñ se bhartā thā

maiñ zinda thā iḳhrājāt ke bojh tale martā thā

TeḌhe-meḌhe aale le ke jism pe TuuT paḌe haiñ

shāyad jaan ga.e haiñ husn kī maiñ puujā kartā thā

helicopter dhīre dhīre uTThā zamīñ tharrā.ī

mere dil kī ye hālat to station kartā thā

saḌak pe piile piile barrier sab kā rasta rokeñ

lekin maiñ chalne kā rasiyā rukne se Dartā thā

red-light pe nañgā bachcha kartab dikhlātā thā

roz kā chalne vaalā raahī roz 'ash-'ash kartā thā

cafe-coffē-day meñ date pe leT hue thoḌe se

haath na aayā jīvan bhar janmoñ kā dam bhartā thā

dharne pe baiThne vaale pāgal pichhḌī zaat ke the sab

D.s.l.r vaalā bas photo session kartā thā

ik tasvīr meñ lahrāyā niilī saaḌī kā pallū

ek divāna us tasvīr pe mī-raqsam kartā thā

raat ke saath jo baat guzartī shaam ko vāpas laatā

shaam Dhale se raat ga.e tak roz yahī kartā thā

shakespeare ne jo likkhā hai us kī apnī qīmat

maiñ thā urdu vaalā 'āġhā-hashr' kā dam bhartā thā

raat ke dil meñ jhāñkte jhāñkte raat guzartī saarī

sub.h alarm sun letā thā phir bistar kartā thā

ḳhud ko natsha-zāda kahtā par sone se pahle

añgrezī meñ kursī paḌh kar ḳhud par dam kartā thā

wentilator jism ko naqli sanson se bharta tha

main zinda tha iKHrajat ke bojh tale marta tha

TeDhe-meDhe aale le ke jism pe TuT paDe hain

shayad jaan gae hain husn ki main puja karta tha

helicopter dhire dhire uTTha zamin tharrai

mere dil ki ye haalat to station karta tha

saDak pe pile pile barrier sab ka rasta roken

lekin main chalne ka rasiya rukne se Darta tha

red-light pe nanga bachcha kartab dikhlata tha

roz ka chalne wala rahi roz 'ash-'ash karta tha

cafe-coffee-day mein date pe leT hue thoDe se

hath na aaya jiwan bhar janmon ka dam bharta tha

dharne pe baiThne wale pagal pichhDi zat ke the sab

Dslr wala bas photo session karta tha

ek taswir mein lahraya nili saDi ka pallu

ek diwana us taswir pe mi-raqsam karta tha

raat ke sath jo baat guzarti sham ko wapas lata

sham Dhale se raat gae tak roz yahi karta tha

shakespeare ne jo likkha hai us ki apni qimat

main tha urdu wala 'agha-hashr' ka dam bharta tha

raat ke dil mein jhankte jhankte raat guzarti sari

subh alarm sun leta tha phir bistar karta tha

KHud ko natsha-zada kahta par sone se pahle

angrezi mein kursi paDh kar KHud par dam karta tha